DOSa MARjanji molo so dipaSAUT HUMBAHAS HEBAT

DOSMA Roha ta asa SAUT HUMBAHAS HEBAT

DOSa MARjanji molo so dipaSAUT

 Lapatanna ni HEBAT ima :
Informasi Kami

Humbahas na mar-Tuhan jala maduma.

Tuhan do mula ni sude pasu-pasu namauliutus: partondion,parbagason, dohot parkarejoan. Molo marTUHAN hita, pir ma haporseaon, sar ma haburjuon, hot ma hasadaonLam ganda mahaholongan, lam tamba ma hadameonro ma parulian, ro ma parulian. Alai molo somartuhan hita ro ma hapogoson, ro marparsahiton, ro ma parbadaanjadi ingkon marTUHAN do hita asa denggan ngolunta, hasea pinomparta, martua hitamolo marTUHAN hita sahat ma tu hagabeon, hamoraon, hasangapon.

Emena godang tanona bidang.

Molo tapatudos tu singapura, korea, dohot jepang, tung mansai bidang do tano ni HUMBAHAS. Alai ingkon hipas do pamatangta asa tarula hita sude tano iJala ingkon girgir do hita mangula ganup ari, huhut martangiang. Asa dapot hita nanggo apala 15 ton eme sahektar. Ndang holan eme tahe dohot do palawija, hortilkultura, salak, durian, andaliman, haminjon, hapea kopi,dekke, manuk,entok, hambing, horbo, hoda, lombu, songoni nangpinahan lobu. Godang dope lahan tidur, tano kosong, ima bahenonta gabe jampalan jampalan asa ro investor mambahen peternakan dohot pabrik na hombar tusiCara modern do bahenonta martani nang marmahan asa godang hasilna, jago mutuna, pake cold storage asa boi hita gabe eksportir.

Bahen mura arga ni pupuk.

Ido asa ingkon mura bahenon arga ni pupuk, bibit unggul dohot vitamin. Pupuk pabrik, pupuk kandang dohot pupuk organic. Di ganup huta ingkon adong ma sentra pupuk ima lumbung napuIngkon malo do ganup huta mambaen pupuk mambaen angka napuAsa par-HUMBAHAS boi gabe sigadis pupuk tu luat nahumaliangBahenonta ma kerjasama dohot industry. Taatur ma produksi dohot distribusi, asa denggan sude ardalan uli, argana pe bagak. Jago mutuna asa boi hita gabe eksortir Asa gabe na  niula sinur na pinahan. Marhauma dohot marpinahan ma hita antong. Asa tutu ma gabe na niula sinur na pinahan. Ta suan ma eme jagung, nang plawija, kopi, haminjon, nang andalimanTapahan sidua pat, tapahan siopat pat, sude ma tapahan. Diawasi ma sude sian marsuan sahat tu na panen ro di perdagangan. Tabaen ma kerjasama dohot investor asa adong kepastian arga di sude huta, disude onan taheAsa maduma hita sude, asa mamora hita luhut.

Ture dalan tu huta, sahat tu balian asa langku naniula, langku pinahan, langku tiga tiga.

Sude dalan ingkon ture ganup dalan ikkon uneJalan ; negara, propinsi, kabupaten, kecamatan, desa, dusun, sahat tu balian asa lancar lalulintas, lancar dohot pardagangan. Marroan ma angka panuhor sian desa naualu, sian luat na dao. Tapangolu ma koperasi, gapoktan, badan usaha masyarakat desaAsa mura hita dapot modal, pinjaman dohot bantuan. Matema tengkulak, mate ma tukang ijon, matema spekulan. Langku ma nasinuan, langku napinahan, langku tiga tigaJago jala hebat ma tutu angka janji i. Ido na mambaen  tartarik angka masyrakat i,  jala monang dohot hundul ma imana diingananna. Sian piga na jonjong mancalonton tikki i, dangadong na mambaen program sisongoni.

Alai dung hundul di hundulanna, nunga sahat tudia angka janji nai?

Didia do pengembangan ni SDM I ?

Didia do dalan na denggan sahat tu Balian I ?

Toho do nunga adong dapot eme 15 ton sahektar ?

Sahat tu saonari dangadong dope hea hubege barita taringot tu eme I ?

Ditikki na salpu i pe hea do hubege naeng  mambaen peternakan sapi dohot pabrik susu songon na di berastagi i. Idia do sapi nai? 

Jala hea do tong idok naeng mambaen pabrik saos na bekerjasama dohot pabrik  Indofood. Ro do tutu angka investor i ? manang na gabe lari do nasida.

Taringot tu pupuk ma muse, mengeluh do angka petani di arga ni pupuk nuaeng. Alani arga ni pupuk i, boi do nunga ganup huta mambaen pupuk ?

Dohot akka na asing.

Sahat tu saonari dang adong dope alusni sukkun sukkun i.

Denggan donian hita saluhutna marsipaingotan di angka janji naung hea ta dok. Jala lobi denggan do muse molo ditolopi angka janji i.

Alani i Dosmarohatta manan rohamuna do (salelengon rohamuna do) asa Saut HUMBAHAS na marTUHAN jala maduma.

Sumber: Wordpress Soeparno Mahulae