AU NAUNG BIAS | PUISI PERLAWANAN

Karya Bernata Manalu

AU NAUNG BIAS

Otokki, Loakki

Tung So Adong Do Lapatan Ni Ngolukki Hape

Nabohado Ulaning...

Nabohado..??? Manangi Ma Ho Oppung Mulajadi...

Palias Ma Sapatami Sian Au

Ooo Oppung Mulajadi

Nungnga Mauas Au Di Toru Ni Sappuran

Songon Paragat-Agat So Minum

Songon Pangula So Mangan

Nungnga Malos Eme Di Tano Napu on

Lam Dao Sian Marbisuk akka parsikkola

Tudia Ma Tarpakke? Tudia Ma?

Sae Mai Dipakke Alani Pesta Lao Pamonangkon

Nungnga Punok Be,,,Punok Hosakku...

Di Oto-Oto I, Di Dege-Dege, Ditean...

Manumpaki Ma Ho Oppung Tu Siminik Mon...

Ai Dang Lao Dope Akka Begu Ni Akka Sibottar Mata I

Dang Lao Dope Sian Tano Tading-Tadingan Mon...

Urupi Ma Au Ale Mulajadi...

Ai Nungnga Sahat Be Tikki Na..

Nungnga Huparade Roha, Pikkiran Nang Dangingku

Tu Paraloan I...

Ia So Soara, Adong Do Surat..

Ia So Surat, Adong Do Mudar....

Papatar Dungo Ma Ho....Dungo....

(Karya: Bernata Asmail Manalu)